Home Sonetti Passati me recorde

me recorde

Valutazione attuale: / 1
ScarsoOttimo 

Jie so’ nate a ‘ne paese beglie,
ci manche da quand’eva zicareglie.
Quande une a ‘ne paese ci tè le radice
vò sempre ritornacce pure se nen le dice....

Quande ji cammine fra quelle case vecchie
recorde tutte e me fischiene le recchie,
me recorde i cavezuni ch je spacche
e le scarpe sfonne senza tacche.

Ogge tine tutti le case belle,
agli portoni so’ sparite le buscelle,
le jatte de mò stanne aji salotte
e i surgi nen se gli magnene manche cotte.


Prima javemme a fa’ la guerra,
alle montagne a jetta’ ‘n terra,
a colle i rattacuje e le tregne,
e ch le vagliiole a fa ji fregne.

Guarda ‘ste munne comma è cambiate,
prima tutte se reggeva ch je ferrefilate,
ch le scarpe resolate te ci facive grosse,
e chi teneva le mutanne ci faceva le mosse.

La gente s’ascideva agli fiancategli,
chi sferruzzeva e chi recapeva i piscegli,
pane e mortadella e ‘ne schizze d’oglie,
basteva poche pe’ rempì je vodeglie.

Me recorde i vagliulitti a gioca’ a tana,
quachidune biastimeva, “figlie de puttana”,
a tingola, o che j’arch, o a stuccitte,
o ch la frezza a tira’ agli cellitte.

A mì me pare appena ieri
quande giocavemme a “prigionieri”
o quand ci frecavemme i gelati alle vagliole
e che ‘na mane j’acchiappavamme a’ vole.

I vagliule de mò so’ tutti ‘nchicchereppiattin,
fanne i picchedore e se mittene i recchini,
s’abbottene de musica e quache pasticca
e pò se pisciane sotte ‘nnanzie alla picca.

Mò se vive ch n’atra condizione,
sarà pure colpa della televisione,
je benessere fa sta meglie l’umanità,
ma la miseria n’ci lla dem da scorda’!

Comunque a quiji temp ci voless ritornà,
e tutte le stesse fregnacce voless refa’,
volesse revede’ tutte quele vagliole,
che so’ conosciute fore delle scole.

A repensacce me sente emozionate
sapenne tutte je tempe c’ha passate,
e pe’ chi nen s’ha godute la giovinezza
la vita sè se pò di che è na schifezza.