Angelo Ripaldi

So’ vecchie, stengh ‘nnanzie aje foche,
N'n ,me pozze move, stengh pien d’acciacchi,
tengh pure je pannolone perché me piscie sotte....

e penze... stenghe sempre a penza’,
n’n me stracche mai de penza’.
La vita mè me la repasse tutta quanta ascise a ‘sta seggia,
e je munne je guarde dalla finestra ch me pare ‘ne quadre, sempre uguale.
‘Nnanzie aje foche me scalle, ma i pensieri mì so’ friddi.
Ripenze alle cose importanti e alle fregnacce, alla gioventù,
all’amore, aji figli e alla famiglia, aji nipote.
Te cride ca si fatte tutte bone, te cride ca si capite je munne,
ma a mi me pare che ‘n’n so capite niente.
Me sente comma ‘ne libbre che nisciune legge.
Quand’era giovanotte me senteva je padrone della Terra,
so’ penzate a famme ‘na famiglia, so’ costruite casa,
so’ cercate de da’ ‘ne sense alla vita, sempre che la speranza ca era giuste accuscì.
Ma a mì n’n me pare che è accuscì. Mò me sente ca dengh fastidie, ca n’n serve più.
Ogni tante m’esce ‘na lacrima,
e se me videne ci dich ca aje vecchie ci lacrimane sempre j’occhi..
Inzomma me sente comma ‘na pignata, ma almene essa scalla i fascioli.
Quande i tizzuni scoppiettene, chissà che me vutene di’,
cà prima ivene tronchi e mò so’ carbuni?
Comma mì, prima ero ‘na roccia, mò so’ ‘ne coglione, e che cazze ci pozze fa’!
‘Ste foche me fa illude, me fa fantastica’, e sole ‘sta fantasia me fa ji ‘nnanzie.
Scì, ch la fantasia cammine, me sente ‘ne re, me sente ricche, me sente bone,
e pure innamorate... insomma me fa sta’ bone. Po’, se pure la signora mé me sta vicine, allora ci guardeme e n’n diceme niente,
perché all’età nostra n’n c’ha remaste niente da di’.
Allora guardeme je foche, ci stregneme e repenzeme... quande repenzeme...
J ricordi so’ comma ‘ste foch, se n’n ci mitte quaccosa pe’ j tene’ appicciate
issi se smorzene, e se se smorzene ‘ste fiamme me smorze pure jie.
Se le calle n’n me rescalla je core, se i pensieri so’ senza colori,
allora porteteme addò tutte è fridde, addò le parole n’n sirvene,
addò ci sta spazie solo pe’ pianta’ du’ fiori
a ‘ne povere criste che ha passate a ‘ste munne
senza fa rumore...